SAHAR

Suriyada terrorizm ilə mübarizə Suriya ordusu və müttəfiq qüvvələrin uğurlu əməliyyatları ilə davam edir. Belə ki, Suriya ordusu və müttəfiq qüvvələr Fərat çayından keçərək, Deyrəzzurda İŞİD-in ən önəmli bazası sayılan Həvicessəkər məntəqəsini terrorçuların işğalından azad ediblər.

Suriya və İraqın müqavimət qüvvələrinin birgə əməliyyatı artıq 4 gündür ki, davam edir.

Suriyalı hərbçilərdən biri deyir: “Terrorçuların işini bitirmək üçün burdayıq. Bu torpaqlarda terrorçulara yer yoxdur.”

Vəlfəcr-3 əməliyyatı ilk günlərində çox yaxşı irəliləyişlərə malik olub. Və ötən 3 gündə iki ölkə sərhədlərinin 70 kilometri terrorçulardan təmizlənib.

Bir başqa suriyalı hərbçi bu barədə deyir: “Hamımız əməliyyatın uğurlu olmasından razıyıq, amma, ehtiyatı da əldən vermək olmaz.”

Ötən illərdə terrorçuların oylağına çevrilən və terrorçuların İraq və Suriya arasında gediş-gəliş üçün istifadə etdikləri bu ərazilər indi iraqlı və suriyalı qüvvələrin birləşmə nöqtəsinə çevrilib.

Suriyalı hərbçilərdən biri İraq və Suriyanın ortaq düşmənlərə malik olduğunu deyir: “Bizim düşmənlərimiz ortaqdır. İŞİD-in hücum etdiyi zaman ABŞ-ın baş verənlər qarşısında sükut etməsi və terrorçuları dəstəkləməsini unutmayacağıq.”

Bir başqa suriyalı hərbçi isə deyir: “Biz əl-ələ verməli və düşmənə sübut etməliyik ki, çətin günlərdə bir-birimizi tək qoymayacağıq”.

İraq və Suriya sərhədlərinin böyük bir hissəsinin terrorçuların işğalından azad edilməsi Deyrəzzurun cənubunda terrorçulara qarşı təzyiqlərin artırılmasında önəmli rola malikdir.